Afghanistan President-in Kabul Conference hawng

By News Editor on July 22nd, 2010 under World News
Afghanistan chhawmdawlna tura sum pekte hman dan tur ngaihtuaha Kabul-a international conference neih chu niminpiah khan Afghan President Hamid Karzai-an a hawng.
Kabul Conference-ah hian ram hrang hrang 50 atangin palai 70 vel an tel a, an zingah hian foreign minister 40 leh regional leh international organisation palai 11 an tel. UN Secretary-General, Ban Ki-moon pawhin conference hi a hmanpui a ni. Conference-a thu ngaihtuah tur zingah hian Afghan security force tihlen te, politics siamthat te, Taliban-te nena inremna siam leh rorelna tha siam te leh eirukna do let dan turte a tel a ni.
Karzai leh Ban-ten conference an  hawn hnuah, Afghanistan-a UN palai, Staffan de Mistura leh Afghanistan Finance Minister, Hazrat Omar Zakhilwal-te chuan conference hi an kaihhruai zui nghal a ni.
Conference-ah hian Afghanistan chuan an ram hmasawnna tura chhawmdawlna sum an dawnte anmahni kuta khawih tura thuneihna pe turin a ngen dawn a ni. Afghan President chuan ramdang palaite hnenah chuan an ram tanpuina tur sum dil belh a tum lo a, mahse kum nga chhung atana tanpuia sum an dawn tura ruahman, dollar tluklehdinawn 13 chu Afghanistan sorkar kaltlanga pe turin a ngen dawn.
Oxfam in a tarlan danin, kum 2002  atang khan Afghanistan tan hian dollar tluklehdingawn 40 chuan senral a ni tawh niin a sawi. Heng zinga a zahve vel chu Afghanistan atanga NATO kaihhruai sipai 150,000 vel lakchhuah an nih hunah anmahni thlaktu tur, Afghan police leh army hmanrua leina leh training pekna atan sen a ni.
Tags: ,
Share on Facebook
Share on Twitter

Related Posts

Write a comment on this story:

You must be a registered member and logged in to post a comment. Not a registered member? Click here to Register now. You can also post a comment in the Forum.

About

Recent

Popular

ZawlaiDi is the widest read Mizo teenage magazine published in Aizawl, Mizoram state in the North Eastern India region. It is subscribes by the Mizos all over India, Myanmar, Malaysia, Singapore, Nepal, United States etc. It mainly deals with relationships, romance and other inspiring stories. It's main features, the romantic true stories hooked many fans. Since there is no other publication of it's kind in the Mizo society, newly wedded and young couples never missed even a single issue. Enjoy reading our Online Publication through this site. All the best!