Khmer Rouge hruaitu hlui thiamloh chang

Khmer Rouge rorel laia tanin hotu, Kaing Guek Eav, 67, Duch tia hriat lar chu Cambodia-a  UN war crimes tribunal chuan thiamloh chantirin, kum 35 tang turin a hrem ta.

Duch hi a mihringte puite chunga pawikhawihna rapthlak tak thlenah puhin thiam loh chantir a ni. Amah ngei pawhin Tuol Seng tanin-ah a mithmuhin mi sang tam tak nghaisak leh tihhlum an nih thu a lo sawi tawh a, ngaihdam a dil bawk a ni.

Prosecutor-te chuan Duch hi kum 40 tantir turin an ngen a, mahse judge-te chuan kum 35 tang turin thutlukna an siam ta a ni. Mahse Duch hi dan loa hren a nih avangin judge-te chuan a tan hun kum 5 an tihniam sak a, hei bakah hian kum 11 a lo tan tawh chu paih a ni bawk. Hei vang hian kum 35 tang tura tih, Duch hi kum 19 hnuah a zalen thei dawn a ni.

Cambodia khawpui, Phnom Penh khaw–daia court tualzawlah chuan Duch chunga hremna pek tur ngaichang hian mi tam tak an pungkhawm a, rampumah live-a tihchhuah a ni bawk. Mi tam tak chuan hremna na zawk pe tura an duh thu an sawi.

Kum 1975-1979 inkara Cambodia rama Khmer Rouge-in ro a rel chhung khan mi maktaduai hnih vel chu tihhlum an ni. Mi tam tak chu khawpui atangin hruaichhuakin,  leilet hmunahte hna thawk tura chhawr luih an ni a, an policy dodal nia sawite chu tihhlum an ni thin. Khmer Rouge pawl hotu lu ber, Pol Pot chu kum 1998 khan a thi a, Duch tiamin an pawl hruaitu hlun pangate chu thubuai siamsak an ni.

Khmer Rouge thuneihna paihthlak a nih hnuah, Duch hi kum 20 vel chu chin hriat lohin a bibo a, hemi

Tags: Khmer Rouge hruaitu hlui thiamloh chang