Hostel-a awm bialnu in drugs leh zu ti thin

Mipa kum 17 mi k ni a, ka hmagai deuh mai in damdawi leh zu a ti thrn a, k rilru a na ltk.in hmuh dwn in hostel ah a ewm bewk si egtn nge ka tih ang mn lo hrlh teh.plix no thup o…

Hostel a awm chunga zu in leh drugs ti thei bawk si chu, ngawi teh ka nau, angaihna ka va han hre thiam lo lulai em ve maw le! A chhuah chang emaw, in inngaihzawnna boruak avanga a rawn chhuah ruk chang emawin a lo rui ang a, chu chu i hmu lian hlur a ni mai lovang maw? Hostel naupangin chutiangin ngaihthat lohna khawpin zu a in ka ring thei lova, drugs eng chi pawh nise a addict ka va han ring lo em. Mahse, thil theih loh hulhual a ni tiin ka tang teh bur lo a nia. Khawvel hi a changkang tawh a, a chhunga chengte lah hi kan fing sawt ropui mai si a; tiru duh tan chuan kawng a awm ngei ang le. Eng pawh nise, a sim thiehna turin i theihtawp i chhuah hmasa turah ka ngai. Thu tha hrilhin lehkhathawn te ziak la, a nun khalh ngil sak turin sum hial seng teh khai. I hmangaih tawh si a, a sim loh zawngin i tuar ve ngei dawn asin.

Hostel warden te hian hre hlauh sela a enkawl dan tur an thiam tur hi a ni a. Hrilh hre ta la, an hnawtchhuak daih emaw a ni awm si a, thlung lu a hai map mai. Zu in bawk drugs tibawk si chu natna leh hri tha lo te kaiin mi dang a kai chhawng ang tih a hlauhawm a. A zirlaipui te pawh ti ve turin an rilru a hmin thei. Tin, ti ho thei khawp an awm ring lawk sa ila, a dik zawk maithei bawk. I theihtawp i chhuah hnu pawha a la sim lo cheu a nih chuan a zirna Hostel warden/prioncipal hrilh hmiah mai rawh. Amah i chhandam theih loh pawhin midang i chhandam thei mahna. Chutianga tih kher tul lova i hria a nih pawhin a sim duh lo a nih ngat chuan nang tal chuan hla thei ang bera i kalsan a tha ang.

(Published on January 2010)