Chhan hrang hrang avanga sex a harsatna te
SEX EDUCATION
Sex hmanna kawnga hmei-chhiate harsatna hi kawng tam tak sawi tur a awm a. Tun tumah hian kawng thum kan rawn tarlang dawn a. Heng natna leh thatlohna an neih thin avang hian hmeichhiate hian sex hmanna kawngah harsatna an tawk thin a ni.
Multiple Sclerosis:
Hetiang natna hi hmeichhe tam takin an vei thin a. Nerve tha lo nei te hian hetiang natna hi an nei duh a ni. Taksa leh rilru thleng a nghawng thei a, sex hman laiin harsatna namen lo an tawk a, nawmna aiin hrehawm tihna an nei nasa zawk thin a ni. Nerve lam tha lo nei te hian sex hman chakna an nei lova, an natna a chhuah chang phei chuan hetiang lam hawi ngaihtuahna pawh an seng peih ngai lo a ni. Sclerosis natna awmzia chu tisa nem lai thisen dawt bang ang te lo chara lo sak thin hi a ni. Natna tlanglawn lo tak angin a lang a, hetiang lama harsatna neite chu sex-ah an chak lo nge nge thin a ni.
Spinal cord injury:
Hnungzang ruh natna benvawn nei te hi sex-ah an chak duh lova, sex hman an thlahlel ngai lo a ni. Hmei-chhiate aiin mipate ah a nasa lehzual a ni. Mipa hnathawk rim leh hnungzang ruh lama harsatna nei te hi sex hman-na kawngah an chak duh vak lo thin a ni. Taksa hrisel veng vawng lo tan chuan sex hman hi tharum thawh-na leh taksa chet tamna a nih avangin a harsa thin a. Mi hrisel lo leh natna nei tan chuan an natna khan nasa takin sex lamah harsatna a thlen thin a ni.
Stroke:
Stroke hi thluaka thisen dawt keh thut emaw thilin a hnawhpin thut avanga thluaka lo chhiatna emaw taksa bung hrang hrang che thei lova awmna hi a ni a. Sex hman chakna leh thluak hnathawh hi a inthlunzawm reng avangin thluak in hna a thawh that theih loh emaw a nih chuan sex hman chakna a awm thei ngai lo a ni. Sex hmanna kawngah hian thluak hian hna nasa takin a thawh thin avangin, rilru hahna te, nguina leh lungngaihna neih changte hian sex hman chakna a awm thei ngai lo a ni. Tin, taksa a hah a, thluak hman rim lutuk avang te, ngaihtuahna kal ding lutuk avangte hian mi tam takin sex hmanna kawngah harsatna an tawk thin a ni.
(Published on December 2009)
