PSYCHIATRIST NIH TUMTE TAN
CAREER GUIDANCE
Psychiatrist chu mi rilru buai leh mi beidawngte enkawl thiam mi leh enkawl thin mite hi an ni. Chuvangin, mi rilru na leh rilru lama harsatna neite enkawl dan zirna hi Psychiatrist nih tumte chuan an zir ber tura chu a ni. Mihringte hi taksa damlohna chauh in a tlakbuak lova, rilru leh ngaihtuahna dam thei lo tam tak an awm thin avangin Psychiatrist nih hi tunlaiah phei chuan a pawimawh hle a ni. Midangte tanpuina hna tha tak a ni tel bawk. Psychiatrist ni tur chuan mi fing tak leh mihring rilru sukthlek hrethiam mi tak an nih a ngai a. An natna leh rilru te chhawk zangkhai thei tura midangte hneh theihna a neih a ngai bawk. Psychiatrist chuan a damlo enkawl chu a rilru leh ngaithuahna a enkawl fe hnuah damdawi a mamawh ang chu a chawh chauh thin tur a ni.
Psychiatrist chuan a rinthu in a damlo chu a enkawl tur a ni lova. Ngun takin a nat dan leh a rilru buai dan te chu eng ang kawng hawi nge tih a finfiah hmasa zet tur a ni. A hmasa berin a natna kha a zawngchhuak hmasa ber tur a ni. Rilru lam natna nei mite hi taksa natna nei mite nen hian an nat dan hi a danglam hle a. Nguina te, mahni inkhawngaihna te, rilru leh ngaihtuahna inzawm tha lo te hi a lanchhuahdan a nih avangin biological based in treatment hi pek tur a ni.
Psychiatrist ni tura hriat ngaite:
@ Mi zaidam leh thinchhe lo nih a ngai a. A damlo chu hriatthiamna nen a enkawl thei tur a ni.
@ Rilru buaite an nih hlawm avangin an rilru buai chhan ang zela hriatthiamna a lanchhuah tir theih a pawimawh.
@ Amah rawn pantu damlo chu a ngaihsak in, an thusawi a ngaithla peih tur a ni.
@ A damlo enkawlah a tui in, an harsatna chhui sak kawngah a hna a hlen thiam ngei tur a ni.
@ Psychiatrist ni tur chuan medical school ah MD (Doctor of Medicine) degree a lak ngei a ngai a, chumi hnuah MBBS a zir leh a ngai.
@ Recognised educational institute atangin Diploma in Psychiatric medicine (DPM) a nih ngei a ngai bawk.
@ MD course zir chhung hi kum thum a ni a. MD an zir lai hian thesis an ziakchhuak tur a ni a. DPM zir chhung hi chu kum hnih a ni a. Thesis ziah a ngai ve lo.
@ MD course ah chuan, psychology. anatomy, physiology, neurology, neurosurgery leh mihring thluak chanchin te an zir a. Mental hospital ah practical training an nei thin. * Psychology zirna hrang hrang: child psychiatry, community psychiatry, social psychiatry, forensic psychiatry leh preventive psychiatry te an zir.
@ He han thawk tur chuan sawi tawh ang khan midangte thusawi ngaithla peih mi nih a ngai a. An thusawi leh nungchangte kha damlo ten an thlir ber thin anih avangin damlo te nena inpawhna tha an neih a ngai a, an inkarah thuzep emaw sawichhuah ngam loh an nei tur a ni lo. Chutianga, an damlo ten rinna famkim an chunga an dah ngam theih na tura nelawm leh mi rintlak an nih a ngai.
Tunlaiah Psychiatrist hi hna tha tak a ni a. Mi harsa tam takin an pan luai luai thin a. Kan khawtlang nunah mi tinreng hian rilru buaina leh harsatna kan tawk fur hlawm thin a, chung mite tanpui chu an han bul ber a nih avangin, he hna hi hna pawimawh leh mi mai mai nih theih loh a ni. Rilru na leh ngui, thawveng lo leh midangte hriat lohva rilru hah ngawih ngawihte damna chu Psychiatrist te hi an nih avangin an hnathawh hi a pawimawh hle a ni. Psychiatrist te hian damdawi in pangngaiah hna an thawk thei a, mental hodpital lamah pawh an thawk thei bawk. Anmahni in clinics an hawng thei bawk a. Industries-ah te, rehabilitation centre-ah te counselor angin an thawk thei bawk. Drug addict te, zu ngawl veite leh rilru harsatna nei te hi an enkawl thei vek a ni. College-ah te, School-ah te, Damdawi in hrang hrangah te leh health centre hrang hrangah te an thawk kual thei a ni. Psychiatrist-te hi private nursing home ah te pawh an thawk thin a. Tin, medical, surgical, cardiac (lung lam natna) leh gynecology (hmeichhe lam that lohna) natna te pawh an enkawl thei vek a ni.
Psychiatrist te hi naupang enkawl tu atan chuan duhthusam an ni. An rualpui te aia hniam emaw an rualpui te ang ni pah lo naupangte hi Psychaitrist te hian an enkawl thin a. Chumai piah ah thalai thilsual ti leh dan bawhchhiate enkawltu atana duan an ni bawk. Kum tlinglo thil sual ti dahna hmun home hrang hrangah Psychiatrist te hi an thawk thin bawk a ni. Tin, damlo enkawlna ngawr ngawr ni lo ah pawh an hna hi an thawk thin a. Court leh tanin chhung-ah te case sawifel chungchangah leh nupa inthen chungchangah pawh an hna hi an thawk thin. Buaina chi hrang hrangah engtiklai pawhin koh theih an ni thin. Buaina ching feltu an ni bawk a ni.
Hlawh chungchang:
Sawrkarah an luh chuan an hlawh hi thla khatah Rs 3,000-5,000 leh hamthatna dang atangin a intan thin a. Private a thawh pawh hian tam tak an hlawhchhuak thei a. Damlo pakhat counselling nan hian Rs 300 te an la thin a. A chang chuan a darkar ang zawngin an inchhiar thin.
A zir theihna institution:
@ Central Institute of Psychiatry, Ranchi.
@ Karnataka University, Dharwad (Karnataka).
@ Lady Hardinge Medical College, New Delhi.
@ Maulana Azad Medical College, New Delhi.
@ Medical College, Madras.
@ National Council of Educational
@ Research and Training, New Delhi.
@ National Institute of Mental, Bangalore.
(Published on December 2009)
