Kaihhruaina
WELCOME ZAWLAIDIAN!
Hei hi www.zawlaidi.com kalphung leh nihna te, a hman dan leh tihdan tur kimchang inkawhhmuh nana buatsaih a ni a. Ngun takin chhiar la, a tihdan tur i hriat loh apiangin a hnuaiah khuan comment hmangin emaw rawtna leh zawhna i siam thei bawk ang.
Tin, internet connection nei tha te chu member satliah aia dinhmun sanga dah tur che-u-in kan inpeih reng e. Englai pawhin Editor leh Administrator ni bawk Lalremruata Khiangte hnenah mobile phone 9436142515 hmangin rawtna leh zawhna te thlen theih a ni a. SMS erawh chhan a ni ngai lovang.
DISCLAIMER
1. Registered member-te chuan an thil post engkimah a mawh an phur a. An profile theh luh hmangin dan kalh emaw thil pawi zawk a thlen emaw chuan hriattir thin an ni ang.
2. Profile dik leh dik loh chungchangah chuan sms emaw voice call emaw hmangin finfiah zauh zauh a ni ang a. Dikhlel a awm vaih chuan chawp leh chilhin a nihna leh post zawng zawng nuai bo nghal a ni ang.
3. Address, phone number leh magistrate phalnaa hming thlak an awm chuan administrator email-ah rang taka hriattirin mahni pawhin a rang thei ang berin, a ni lo berah hapta khat chhung ngei a COMMUNITY page emaw user profile (Login la, admin panel-ah lut leh la) tihdanglam nghal tur a ni. Hei hi zawm a nih loh chuan an member nihna leh blog te tihtawp nghal a ni ang.
4. MIZO ENCYCLOPEDIA hi database hran a nih avangin www.zawlaidi.com member i nihna hmangin i lut thei lova. A thar hlak a in-register tur a ni a. A chunga point pawimawh bik 3 te khi zawm kim barh tur a ni.
MEMBER DINHMUN LEH TIH THEIH TE
Ø Registered Member nih loh chuan comment takngial pawh thawn theih a ni lo. Chuvangin, a hmasa berin (phek chungah khian) Register tih click la. Dik takin in-register nghal ang che.
Ø Registered Member apiang Subscriber nihna pek an ni a. Chu chuan comment thawn bak thil dang tehvak a ti hlei thei lo a ni ber. Post an neih pawhin an edit thei lova, an tidanglam thei tawh hek lo. Comment thawn chhuah leh dawn an thei a, News emaw post eng pawh email hmangin an subscribe thei.
Ø Chuvangin, Subscriber ni satliah lova Contributor ni turin Administrator hnenah email hmangin dil thuai ang che.
Ø Contributor chuan thu leh hla, milem leh music a thawn thei a. A post erawh Administrator emaw a tlukpui thuneihna neitute pawm (approved) a nih hunah chauh site a tarlan (published) a ni ang.
Ø Author chuan engkim a post thei a. A post engkim a edit thei a, site Administrator emaw a tlukpuite remtihna nghak kher lovin a duhna apiangah a publish (tarlang) nghal thei ang. A duh a publish thei a, a duh lohte erawh PRIVATE PAGE angin tuma chhiar leh hmuh theih loh turin a vawnghim thei a. Thil pawi thui zawk thlen thei a nih erawh chuan Administrator emaw a tlukpuite’n email hmang a hriattirin emaw direct emaw pawhin an tidanglam/paih thei ang.
Ø Editor chuan engkim a post thei a, a edit thei bawk a. Chu aia a dinhmun chungnunna chu mite comment leh post engkim a edit/paih thei. Hei chauh hi Administrator tlukpui a ni a. Hemi dinhmun luah tur chuan hmaihma ngeia kawm chian kan beisei kher maithei. A chhan chu, administrator tlukpui thawthang a nih tawh avangin a hriatna te, a thiamna leh a mawhphurhna kawngahte RIN NGAM a ni ngei em tih kan finfiah ngei a ngai.
Ø Site a him zawk nan Administrator role hi chu tumah pek a ni lovang a. Kan mi rin zawng leh thahnemngai tak tak, internet leh cyber software chungchang pawh hre tak an nih erawh chuan, Editor satliah aia thuneihna sang zawk pek an ni ang.
BLOGS & BLOGGER
· Blog chu mahni pual emaw mahni hming emaw, a hmangtu duhdan mil a web site changtlung tak siam hi a ni a. Hei hi sum seng miah lova mahni pual ngat a website neih dan kawng awmchhun a ni.
· Blogger chu registered member niin a ni lo berah subscriber nihna nei nghal a ni a. Ama blog a enkawl theih bakah site pumpui-ahte subscriber chanvo a nei.
· Administrator phalna leh remtihna chauh lo chuan advertisement banner tarlan theih a ni ngai lovang. (Hei hian a thuziak emaw milem hmang emaw-a a blog-a a tarlan te a thunun tel lova. Chuvangin mahni bungraw fak leh advertisement dang atan pawh a remchang hle.)
· DISCLAIMER a tarlan tawh angin tupawh member/blogger a nih chuan thlalak telin phone number leh dan leh hrai kan zam te ang khian Administrator hnenah a nihna kimchang a thawn ve ngei tur a ni.
· A theih hram chuan mi pakhat tan blog pakhat chauh siam ni se. Email pakhat hmangin blog chi hrang hrang siam phal a ni lo.
· Hmang tangkai tak tak lo leh site update ngai lote chu email hmanga hriattir an nih hnu-in, tul a tih chuan Administrator-in blog a paih sak thei ang.
· Copy Right Act mumal taka hmang thei turin dan mumal kan la neih loh avang ngawtin i blog-ah duhthal a che turin I ZALEN TAWK CHUANG LO.
· Cyber Law emaw, IPC emaw kohhran leh khatlang dan bakah Mizo Customary Law kalh zawng a che tur khawpin tumah KAN ZALEN FAMKIM LO.
MIZO ENCYCLOPEDIA
o Mizo Encyclopedia hi online dictionary changtlung tak kan neih theihna tura a thlawn liau liauva siam leh din a ni a. Member-te chuan kan tawng kan humhalh a, a lo hausak zual zel theih nan theihtawp chhuahin thumal awmzia leh a kaihhnawih thil chi hrang hrang te kan contribute ve tur a ni a. Hei hi tihluihna ni lovin ram leh hnam hmangaitute laka mitin beisei tihhlawhtlinna leh Mizo leh Mizoram tana i contribution tihlanna tur a ni.
o “Lalruotmawi” chungchang i ziak a nih chuan, a hming awmzia atanga tannin profile kimchang, a album leh marital status thlengin i tilang thei ang a. Profile kimchang bak News concern a ni erawh chuan zawlaidi.com ah zawk contribute thin tur a ni. Tin, thlalak reng reng caption pek vek zel ni sela, thlalatu, thlalak hun leh thlalak a lan an sawi hawnna tlangpui tal telh theih zel ni bawk sela a lawmawm zual ang.
o Mizo Encyclopedia hman dan kimchang leh hriattur pawimawhte chu webpage chunglam a link siamah khian click la, chhiar theihin a lo lang nghal mai ang.
NOTE
v MIZOTE TANA KAN THILTIH HI KAN HRE CHIANG A. KAN THEIH CHHUNG CHUAN TU LAKAH MAH ADVERTISEMENT A NIH NGAWT LOH CHUAN SUM DIL A NI LOVANG.
v KAN SUM DINHMUN TLIN PHAK BAKA KAN CHHAWR TANGKAI HLAWM A NIH PAWHIN MI INPHALTE TAN THAWHLAWM THEIH A NI TIH TARLAN A NI ANG A. CHUTAH CHUAN MI INPHALTE TANA SITE ENKAWL ZELNA TURA AN SUM THAWH DAN TUR KIMCHANG TARLAN A NI ANG.
v SUM/THAWHLAWM THAWHTUTE CHUAN A RANG THEI ANG BERIN RECIEPT AN DAWNG NGEI NGEI ANG.
KAN WEBSITE A IN-ADVERTISE DUH TAN MAN TLAWM TAKIN ENGLAI PAWHIN KAN TIHSAK THEI A. ADVERTISMENT MIN ZAWN HMUH SAKTUTE HNENAH INCENTIVE (commission) THAHNEM THAM TAK PEK LET VE ZEL AN NI ANG A. RECIEPT AN DAWNG ZEL BAWK ANG.
WEBSITE ADVERTISEMENT LEH ZAWLAIDI MAGAZINE ADVERTISEMENT HI A INANG LO TIH HRIAT TUR. RATE HRAN AN NEI.
Eng vang pawhin harsatna emaw hriat belh duh emaw rawtna emaw i nei/thlen duh a nih chuan COMMUNITY phek link khi clik la. Address leh profile kimchang hre turin engkim tarlan a ni.
USER GUIDE
v Register tih link khi clik hmasak ber tur.
v Member chauh ni duh tan a hran a click tur a awm.
v Click i neih hran loh chuan blogger (default setting) turin i in-register tihna a ni ang.
v User Name tih hi blog address tur a ni. Eg: “keimah.zawlaidi.com” emaw “ka-hming.zawlaidi.com” etc.
v User Name leh Email tih lovah chuan blogger tan site hming tur ziahna a awm a. Chu chu i blog lan dan tur a ni ang. Chuvangin ENNCHHINNA emaw TEST blog emaw hi click la, en phawt ang che.
v Email dik leh nung lai hman tur a ni a. Chutah chuan registered user i ni emaw blog siam duh i ni emaw a nih pawhin hriattir chawpchilh nghal a ni ang. Mail Server thenkhat a muangchan avangin Ni 2/3 nghah te pawh a tul maithei.
v Chu i email-a i thu dawn chu chhiar la. I password siam sa pek i ni ang a. I nihnate i pawm a, i activate hunah i password chu muangchangin, i duh hun hunah i thlak danglam mai dawn a ni.
v Microsoft word emaw text editor i hman thiam ber hmangin i thu thawn turte duang lawk la, save lailawk la. Rawng leh a chei dan engkim a chhawm hlen mai ang.
WARNING
v ZawlaiDi magazine leh kan kutchhuak dangte Agent ni turin hetah hian dilna form leh a kalhmang tarlan a ni lo.
v Postal subscribtion thlen tlai chungchangah a mawh kan phur lovang.
v Postal Subscribtion sum SBI bank account number hrilh hriatah an thun luh ngei loh chuan thawn an ni lovang.
v Agent ni tur chuan a man pek lawk a ngai a. Ba-in agent kan nei ngai lo.
v Editor hnena thil thawn engpawh DUE kan tlan ngai lo.
v X-word chhanna kan dawn leh dawn loh chungchangah a mawh kan phur lo.
v Result kan draw laia kan dawnte chuah lawmman dawng tura thum vawr zingah an tel ang.
Blog enkawl dan turte:
1. I tihtur hmasa ber chu in-REGISTER a ni a. Blog siam duh kher lote chuan a hranpa a click tur a awm.
2. I in-register fel tawh chuan i duh hun hunah Login thei tawh ang.
3. Login i click a, i lut fel a, mahse CONTROL PANEL-a a luhtir che pawhin, VISIT SITE tih hi click mai tur a ni a. Chutatang chuan comment pawh i POST thei ang.
4. Member satliah tan COMMENT bak tih theih a tlem hle. Thu i thawh ve a nih pawhin Administer remtih loh chuan phekah a lang chuang lovang. Comment erawh i duhna apiangah, i duh hun hunah i ziak thei a, REGISTRICTED PAGE te i lut thei ang.
5. Blog siam i nih erawh chuan i blog siam tur hming, email nung lai leh i siam duh ngei a ni tih hriat theihna tura NEMNGHEHNA te i email-ah a rawn thawn ang che a. I password nen lama hriattir i nih avangin chu chu i hmang hmasa phawt tur a ni a. Chumi hnu-ah i duh chuan i password chu i duh hun hunah i thlak thei ang.
6. I blog siam kha www.zawlaidi.com MAIN PAGE-ah a lang a. Chu chu i tan luhna awlsam ber a ni thei. A chhan chu, i blog hming leh http address i la bel loh vang a ni thei.
7. I blog-a i luh veleh Administration panel a awm a. Chu chu i luh leh chhuahna tur a ni. (Luh hnu chuan LOG OUT theihna dinglam sir chunglamah a awm.)
8. I LOGIN page a lo lang ang a. I password i theihnghilh palh pawhin CLICK tur a awm a, a rawn thawn leh mai ang che.
9. I luhna hmasa ber tur chu CONTROL PANEL a ni a. Chu chu blog enkawlna hmunpui a ni a. I HRIAT CHIAN LOH CHU KHAWIH LO MAI RAWH.
10. I tana pawimawh ber chu POST tih leh EDIT tih huang hi a ni.
11. Thupui chhutna tur a awm a, thu laimu chhutna tur pawh a awm.
12. Milem tihlan tel i duh pawhin ADD MEDIA click mai tur.
13. I thu dah/post tur chu CATEGORY siamin i thlang fel hmasa tur a ni.
14. I category neihsa UNCATEGORIZED hi tidanglam emaw paih emaw a thar emaw siamin i belhchhah thei.
15. I duh chuan PAGE i siam thei a. Hei hi chu a hranpa a mite hriat leh chhiar tura i duh bikte chauh i tihlanna tur a ni a. PAGE tam tak siam a mawi lo khawp mai.
NOTE
MEMBER EMAW BLOG SIAM TAWH EMAW TAN CHUAN WWW.ZAWLAIDI.COM -AH IN-REGISTER NAWN KHER A NGAI LO.
