India in Britain hnen atangin Hawk Advances Jet Trainer Aircraft 57 lei

Britain chuan India nena an thawhdunna, an inkara inkungkaihna chak tak awm mek chu tihchak zel dan a zawng. British Prime Minister David Cameron chuan India a tlawh mek a, India a tlawhchhan chu business, commerce leh industry lama inkungkaihna tihchak a ni a ti.

India hnenah Commonwealth Games hlawhtlingtaka a thlen a duhsak thu a sawi a, All India Radio-in a interview-naah British Prime Minister chuan India leh Britain mipuite chuan in-anna an nei a ni a ti. Nimin piah khan Bangalore-ah David Cameron chuan terrorism chawisang lo tur emaw khawvel ramten an hransan emaw thlang turin Pakistan a ti. Pakistan chu India, Afghanistan emaw hmun dangah emaw terrorist-te thawnlut lo turin a vau a, Pakistan tan terrorism chawisangtu pawl nena inkungkaihna neih hi a dik lo a ni a ti.

British Prime Minister hian nimin piah khan British Aerospace Systems-in Bangalore-ah Hindustan Aeronatics Limited hnena Hawk Advances Jet Trainer Aircraft 57 an hlan lai a awmchilh a, heng thlawhna 57 hi pound maktaduai 500 man a ni.

Pu Cameron hi India rama nihnih thanga zin a ni a, nimin zing khan New Delhia Rashtrapati Bhavan tualah sawrkarin a lawmna inkhawm (ceremonial reception) a siam a, nizan khan Prime Minister Dr.Manmohan Singh nen an inbia ang. Prime Minister a nih hnuah David Cameron hi India a zin hmasak ber a ni. Amah \awiawmtu mi 90 an ni a, hengte hi Cabinet Minister te, business house lian CEOs te, University lar tak taka Vice Chancellor-te an ni.

Tags: Britain, Hawk Advances Jet Trainer Aircraft 57, India