Twilight star Robert Pattinson
Twilight star, Robert Pattin-son hi May 13, 1986 khan London, England ah a piang a. A pa hi car salesman a ni a. Pattinson hi music lamah a tui hle a, rimawi chi hrang hrang pawh a tum thiam hle a ni. Guitar leh piano phei chu a hnehsawh hle. Kum 3 mi lek a nih lai atangin piano hi a tum tan tawh a, classical guitar hi kum 5 mi a nih atangin a tum tan tawh bawk a ni. Harrodian private school, London-ah lehkha a zir thin a. Unaunu pahnih, Lizzy leh Victoria a nei a ni. A thian kawm-ngeih tak te chu Harry Potter and the Gobet of Fire (2005) co-stars Stanislav lanevski leh Katie Leung te an ni. Infiamna lam pawh a tuipui hle a. Darts leh Pool te hi a infiam-na ngainat berte an ni. Football club ah chuan Arsenal hi a tan ber.A naupan lai chuan mi khirh leh tihmawh ve tak a ni thin a. Kum 12 a nih thleng hian an school ah chuan a sual leh thuawih lo pawl a ni thin. Kum 15 a nih hian Barnes Theatre Company, London a zawm a, chuta tang chuan lemchan lamah kal tan a. Film chi hrang hrangah a inlan ve a. Robert hian lemchan hi a tum ber a nih ngai lo thu an interview tumin a sawi a. “Kum 15-16 ka nih atang chauh hian lemchan lamah tuina ka nei a. Helam kawng ka zawhna chhan pawh, ka pa hian restaurant ah nula nalh tak tak, a huho a awmte chu bia in, khawi atanga lokal nge an nih a zawt a. An ni chuan drama group an nih thu in an chhang a. Ka pa chuan ka bulah, “Ka fapa, an hna ang hi i tih ve tur a ni,” tiin min hrilh a. Chuta tang chuan lemchan lamah hian ka kal ta a ni,” a ti.
Robert Pattinson hian u hmeichhia pahnih a neih avangin a naupan laiin a u te chuan hmeichhe thawmhnaw hak tirin an chei thin a, ‘Claudia’ tiin a hming lem an vuah sak thin a ni. Kum 12 a nih hma chuan naupang naran ve mai a ni a. Kum 12 a pel tawh hnu chuan a mizia pawh lo danglamin, mi cool thei tak niin hair gel nen a sam style a buaipui thei hle a ni. Film lamah a luh hnu hian naupang tak chungin mite hriat a rawn ni chho a. “Mi tam takin ka autograph min dil a, khatih lai khan ka inchhuang ve thei khawp mai. Min ngaihsanna leh zahna avang khan ka hmalam hunah nasa takin ka thangchho a, ka puitlin phah bawk tiin,” miten an ngaihsanna in hmasawnna a pek dan a sawi.
Lemchan lama a luh atang hian Robert Pattinson chuan a rilru leh ngaihtuahna zawng zawng a seng thin a. Movie lian tham vak lo a chan pawhin a theihtawp a chhuah thin. Harry Potter director, Mike Newell nen kum 2003 a Harry Potter and the Goblet of Fire chan dawna an inhmuh atang kha chuan a hmalam hun chu a eng tial tial ta a ni. Harry Potter and the Order of the Phoenix ah khan Cedric Diggory angin a chang a ni. Film lamah kal nasa hle mahse, Robert hian music lam hi a la hlamchhiah chuang lova. Pianist/guitarist a nihna hi kawng tam takah a lantir thin a. Twilight film-ah pawh khan original track kha ama ho a an duan a ni. Patiinson hian film star Jack Nicholson hi a ngaisang ber a. “A thiltih leh awmdan engkim hi ka ngaisang vek a ni. Amah ang taka awm hi ka thil chak ber a ni a, amah hi ka ngaisang em em a ni tawp mai, eng nge a chhan pawh ka hre lo. Kum 13 ka nih in a film chan pakhat, ‘One Flew Over the Cuckoo’s Nest (1975)’ ka en a, chuta tang chuan a inchei danin a inchei thin. A inchei dan, a nungchang leh amah ang thei bera awm ka tum thin,” tiin Jack Nicholson a ngaihsan zia a sawi.
An naupan laia an English zirtirtunu a ngaihsan theih zia a sawi bawk a. “Kan naupan laia kan English zirtirtunu kha ka ngaisang tawp thei lo. Zawhna min zawhte hi tawngka a chhan ai chuan min ziahchhuah tir thin. Lehkhapuan phek 20 chuangte hi homework min ziahchhuah tir thin a, chu chu a endik leh vek thin. Zirtirtu taima leh mak tak chu a ni in ka hria,” a ti. Twilight release a nih atanga thla ruk hnuah a nuna engkim chu a danglam vek niin a hriat thu a sawi bawk. “Twilight film release a nih hnu atang khan ka nuna thil engkim chu awlsam taka tih zung zung theih a ni tawh meuh lova. Ka mamawh leh duh ang pawh awlsam takin ka ti thei lo. Mahse, milar nih chuan a beih a beih tak tak a ngai a ni. Thil harsa ka ti em em chu, chanchinbu mite hmaa mawi taka nuih reng ngai hi a ni,” a ti.
Robert Pattinson hian tunah ngaihzawng a neih loh thu a sawi a. Mahse, mi tam tak chuan Kristen Steward nen hian an inhnim hnai hle niin an sawi. Hman deuh khan a chhass Nina nen an inthen a. Pattinson chuan chhass nei lo a awm a duh hrih thu a sawi a ni. The Daily Mirror hnenah a hmangaihna kawng zawh chu mite rin ang leh ngaih ang a nih loh thu a sawi. “Ngaihzawng ka nei lova, engvang nge pawh ka hre lo… in rin dan chuan movie lama milar leh mite ngaihsan thin chuan hmeichhe lam ngaihsak leh ngaihzawng pawh nei turin min ngai a, mahse, chutiang chu ka ni miah lo. Movie star lar tak ka ni a, model chhelo tak tak te nena lenchhuah dun chu ka chak a, mahse, chutiang chu ka nunah a thleng si lova, a chhan pawh ka hre lo,” tiin a sawi.
Robert Pattinson-a film leh TV show chan tawh te:
Harry Potter and the Goblet of Fire (2005) Harry Potter and the Order of the Phoenix (2007) How to Be (2008) Little Ashes (2009) Twilight (2008) Vanity Fair (2004) The Summer House (2008) Curse of the Ring (2004) Twilight (2008) New Moon (2009) Remember Me (2010) Eclipse (2010) Breaking Dawn Part 1 (2011)
A lawmman dawn tawh te:
@ Moviefone’s “The 25 Hottest Actors Under 25″ (2005) ah number 23 na a ni.
@ Hollywood Film Festival Award Committee
@ Strasbourg Film Festival-ah ‘How to Be’ (2008) film avang khan 2008 Best Actor nihna hlan a ni.
@ Kum 2008 khan Hello Magazine chuan Most Attractive Man Award a hlan.
@ People Magazine in kum 2008 Sexiest Men Alive a thlan zingah a lang.
@ Moviefone’s Number 1 Hottest Young Star Under 25 2009.
(Published on December 2009)
