Vek Kher Lo!

By News Editor

a. Hmeltha nazawng hi an rilru a thianghlim vek kher lo.

b. Chanchinbu nazawngah hian a ziaktu phalna la hmasa in an thuziakte an chhuahsak hmasa vek kher lo.

c. Inkhawm peih nazawng hian an inkhawm chhan an hrechiang vek kher lo.

d. Duhawm nazawng hi an hmeltha vek kher lo.

e. Facebook hman uar nazawng hian Facebook- a an thianten biak an duh vek kher lo.

f. Mizo te hi Orkut aia facebook hman nuam tizawk an nilo vek kher lo.

g. Bialpa pakhat chauh nei nia kan rinte hian an nei vek kher lo. An kawp fo thin tihna a nih chu!

h. Exam nazawng hi an Exam ah an passed ngai vek kher lo.

i. MNF chauh hi Mizoram HMANGAIHTU an ni vek kher lo.

j. Chanchinbu- a thawk nazawng hi thuziak thiam an ni vek kher lo.

k. School naupang te hian an Zirtirtute an zah vek kher lo.

l. Ba nazawng hi rulh a ni vek kher lo.

m. Nu leh pa te hian an fanu te khawsak dan hi an hriatpui vek kher lo.

n. Mobile Phone nei nazawng hian be tu an hmu vek kher lo. Tin, Top Up leh Recharge na tur an thawkchhuak thei vek kher lo.

o. Rinawm nia insawi nazawng midangin kan ring vek kher lo.

p. Hminga Zo tih tel nazawng hi an Zo vek kher lo.

q. Rui nazawng zu in avanga rui(h) a ni vek kher lo.

r. MNF Sawrkar atha tih kawngpui sira Footpath siama inziak khi an hmuhin MNF zawng zawng hi an zak vek kher lo.

s. Ngaihzawngte nena Sim Card kar khat inkawl thleng sak chak Mizo te hi kan ni vek kher lo. (Mahse, kei chuan ka ngam sak sak khawp mai!)

t. ‘Ka pa, Vana mi’ ti nazawng hi Vanram kai rur tihna a vek kher lo.
u. Motor darthalang pawn lam atang entlang theihlohah hian nula thianghlim an thu vek kher lo.

v. ‘Hnehna chu lalpa ta a ni’ tia aurual thin te hian Hnehna hi Lalpa ta a nih an ring vek kher lo.

w. Computer thiam inti nazawng hian a Boot dan an thiam vek kher lo.

x. Vai ho hian City Bus- ah Mizo te thutna ken min tum vek kher lo. Kei chuan ka thawhtir hmiah zel!

y. Hmangaihtu nei ngah viau nia inhriate hian hmangaihtu hi an nei ngah vek kher lo.

z. I thih dawnin khawnge i kal dawn tia mi in midang anzawh hian ‘Vanramah’ tiin chhang mahse, anmahni pawh khan Vanrama an kal an ring vek kher lo.